माझ्यासाठी येवढं करशील ना...?

ठाऊक आहे मला एके दिवशी तुझ्या हृदयाचे ठोके माझ्यासाठी धडकणे बंद होतील,

बंद व्हायच्या आधी, एक ठोका माझ्या नावचा चुकवशील ना ?

ठाऊक आहे मला एके दिवशी सोडशील माझा हात,

सोडायच्या आधी, एकदा घट्ट धरशील ना ?

ठाऊक आहे मला पुन्हा नाही येणार तू मला भेटायला त्या बागेत,

पण कधीतरी तिथे जाऊन एकदा तरी त्या बाकावर बसशील ना ?

ठाऊक आहे मला नाही येणार आवाज तुझा पुन्हा माझ्या कानी,

पण एकांतात, स्वत:हा च्या मनामध्ये कधीतरी Jerry म्हणून हाक मारशील ना ?

ठाऊक आहे मला तुझ्या आयुष्यात यशाची उत्तुंग शिखरे सर करशील, खुप काही कमवशील,

खुप काही कमवताना, या गमवलेल्याचा विचार करशील ना ?

ठाऊक आहे मला तू एके दिवस सोडून जाणार,

गेलीस तर, फक्त एकदा मागे वळुन पहाशील ना ?

ठाऊक आहे मला तू माझी नाही रहाणार,

पण एकदा माझी होऊन जाशील ना ?

ठाऊक आहे मला एक दिवस खुप दुर निघून जाशील,

पण जाण्याआधी, मला एकदा जवळ घेशील ना ?

करशील ना...........?